Проектот IDEAS ќе има географски опфат кој го опфаќа цел прекугрничен регион. Активностите за комуникација ќе се спроведуваат во таргетирани делови од прекуграничниот регион, утврдени со Стратегијата за комуникација. Специфичните локации на настаните ќе бидат избрани врз основа на целната група, како што се високообразованите професионалци и земјоделците. Сепак, настаните ќе опфатат најмалку два помали урбани центри со значително примарно производство во секоја земја. Сесиите за обука ќе се одржат во Солун, Гевгелија и Скопје, со теренски посети до рурални локации во рамките на прекуграничниот регион (PB2). Важно е да се напомене дека иако резултатите од проектот се очекува да бидат повеќе локализирани и центрирани околу Гевгелија и Солун, резултатите и влијанијата од проектот се очекува да опфатат поширока област.
Слично на тоа, влијанието на проектот се очекува да има уште поширок опсег, преку индиректните и предизвиканите ефекти. Поточно, се очекува проектот да го зајакне и модернизира примарното производство и да стане – особено за Северна Македонија – демонстративен проект. Технологијата LoRa и паметното земјоделство, генерално, можат да имаат корисни примени во производството на овошје и лозарството, две значајни активности од примарниот сектор во прекуграничниот регион. Имајќи ги предвид овие фактори, проектот има за цел да ги направи руралните области поатрактивни и поживи, што ќе доведе до нивен севкупен раст и развој.